कोभिड प्रभावित ३ सय ५० जहन सिसा नेपालसे काउन्सिलिङ (फोटो फिचर सहित)

सिसा नेपाल संस्थासे कोभिड १९ से प्रभावित हुकन काउन्सिलिङ कर्टि आइल बा । कारितास जर्मनी ओ कारितास नेपालके आर्थिक सहयोगम दाङके चार ठाउँ काउन्सिलिङ सेन्टर स्थापना कैख काउन्सिलिङ सुरु कर्लक सिसा नेपालके अध्यक्ष साजिदा सिद्धिकी बटोइली ।

कोरोना विशेष अस्पताल बेलझुण्डि, मेट्रो अस्पताल तुलसीपुर, कोरोना अस्पताल लमही ओ सिसा नेपाल संस्था घोराहीम काउन्सिलिङ सेन्टर स्थापना कैख कोभिडसे प्रभावित ओ संक्रमतिहुकन काउन्सिलिङ कर्टि अइलक बटोइली । उहाँके अनुसार आबसम ३ सय ५० जहन काउन्सिलिङ करसेक्लक बटोइली ।

 

ओस्टक सिसा नेपालसे यिहिसे आघ मास्क बैंक ओ फुड बैंक फे स्थापना कर्ल बा । मास्क बैक मार्फत आबसम १२ हजारसे ढ्यार नागरिकहुकन निशुल्क मास्क वितरण कर्लक सस्थाके अध्यक्ष सिद्धिकी जनैली । उहाँके अनुसार कोरोना विशेष अस्पताल बेलझुण्डि, मेट्रो अस्पताल तुलसीपुर, कोरोना अस्पताल लमही ओ सिसा नेपाल संस्था घोराहीम मास्क बैंक स्थापना कैगिल बा । ओसहक सस्थासे सिसा फुड बंैक फे स्थापना कैख गरिब, विपन्न, असहाय, अशक्त, अपाङ्ग परिवारहुकन निशुल्क खाद्यन्न सहयोग कर्टि आइल बा । सिद्धिकीके अनुसार २८८ जहन खाद्यन्न सहयोग कर्ल बा ।

दंगीशरण खबर

प्रतिक्रिया दिनुहोस्

संबन्धित समाचार

भर्खरै प्रकासित