थारु पत्रकार संघ, नेपालके राष्ट्रिय भेला सम्पन्न,महासंघम निर्वाचित पत्रकारहुकन सम्मान


लक्की चौधरी

बारवर्दिया, ७ वैशाख । थारु पत्रकार सघ, नेपालके राष्ट्रिय भेला सम्पन्न हुइल बा । अट्वारक डिन्वासे सुरु हुइलक् भेला संघके विधान संसोधन कर्ना लगायत विषयम छलफल कर्टि सोमारक डिन्वा ओराइल हो । वर्दियाक रम्मापुर थारु होमष्टेम हुइलक् भेलाम पूर्व सुनसरीसे पश्चिम कञ्चनपुरसमक करिब ५० थारु पत्रकारहुकनके सहभागिता रह ।


बारबर्दिया ७, रम्मापुरम पर्ना थारु होमष्टेम हुइलक् भेलाम थारु पत्रकारके अवस्था, नेपाल पत्रकार महासंघके २६ औं महाधिवेशनके समिक्षा तथा आगामी रणनीति, महासंघम नवनिर्वाचित थारु पत्रकारहुकन बधाई तथा सम्मान कैगिल रह । संघक अध्यक्ष सन्तोष दहितके अनुसार कार्यक्रम दुई चरणम सम्पन्न कैगिल रह । अट्वारक् डिन्वा सन्झ्याक संघके केन्द्रीय कमिटी बैठक, सोमारक डिन्वा विहान्ख थारु पत्रकार व नेपाल पत्रकार महासंघ निर्वाचनके समिक्षात्मक छलफल तथा थारु बरघर प्रणाली, कानुनी मान्यता व कार्यान्वयनक विषयम समेत छलफल कैगिल रह । उह अवसरम नेपाल पत्रकार महासंघम नवनिर्वाचित थारु पत्रकारहुकन संघसे बधाई तथा सम्मान कैगिल रह । संघक महासचिव सन्तकुमार चौधरीक अनुसार पहिलो सत्रम थारु पत्रकार व महासंघके रणनीतिक योजना व आगामी कार्यनीतिबारे महासंघक पूर्व केन्द्रीय सदस्य लक्की चौधरीसे कार्यपत्र प्रस्तुत कर्लरलह । ओस्टक दोस्रो सत्रम थारु बरघर प्रणाली, कानुनी मान्यता व कार्यान्वयनके विषयम पत्रकार एकराज चौधरी कार्यपत्र प्रस्तुत कर्लरलह ।


बारवर्दिया नगरपालिकाक प्रमुख दुर्गाबहादुर चौधरी कृषि पर्यटनक लाग बारबर्दिया सम्भावित क्षेत्र हुइलक जानकारी डेटी वाकरबारेम समाचार प्रकाशन कैख सहयोग कर अर्जि कर्लरलह । थारु समुदाय आपन्ह पाछ निपर्लक बटोइटी औरजहनसे डबागिलक हुइलक् ओर्से वाकर विरुद्धम थारु एकताबद्ध हुइपर्ना बात बटोइल । थारु पत्रकार तथा लेखकके राज्यके उपल्लो निकायम सहभागीता निहुइलक् कारण थारुके पहिचान व इतिहास बंगैना काम हुइलक चर्चा कर्टि नगरप्रमुख चौधरी पत्रकारहुक्र चलाखीपूर्ण तरिकासे आपन पहिचान कायम करक्लाग जुट पर्ना बटोइल । हमार पहिचान बचैना व इतिहास रचना कर्ना कामम पत्रकारके महत्पूर्ण भूमिका रलक् उहाँ चर्चा कर्ल ।
ओस्टक नगरउपप्रमुख अन्जु दहित चौधरी मजा कामन मजा समाचार बनाख समाचार प्रकाशन प्रशारण करकलाग पत्रकारहुकन अर्जि कर्ली । स्थानीय तहके सरकारसे माज काम कर्लसे फे पत्रकारहुक्र समाचार निलिख्ख जनतनके विचम सकारात्मक सन्देश पुगनिसेक्लके बटोइटी मजा कामके समाचार लिख्नाम थारु पत्रकारहुक्र कलम चलाइ पर्ना बात बटोइली ।


संघका अध्यक्ष सन्तोष दहितके अध्यक्षताम हुइलक कार्यक्रम युनिक नेपालके अध्यक्ष प्रेम दहित, बरघर सञ्जाल वर्दियाक अध्यक्ष रामशरण चौधरी, थारु लेखक तथा अभियन्ता सुशील चौधरी, थारु पत्रकास संघ नेपालक कानुनी सल्लाहकार ठाकुरसिंह थारु लगायत बोल्ल रलह । संघक उपाध्यक्ष उन्नति चौधरी स्वागत मन्तव्यसे सुरु हुइलक कार्यक्रमम विभिन्न जिल्लाके प्रतिनीधिहुक्रु जिल्लाके अवस्थाके बारेम रिर्पाेटिंग कर्ल रलह कले कार्यक्रमके सहजिकरण संघके महासचिव सन्तकुमार चौधरी कर्लरलह ।

दंगीशरण खबर

प्रतिक्रिया दिनुहोस्

संबन्धित समाचार

भर्खरै प्रकासित