डस्या ओ सख्या गीत

हिमलाल चौधरी

डस्या एकठो हमार भारी टिह्वार हो हमार आपन चलन अनुसार हम्र डिउडुर्गा पुज्ना ओ अखर्या नाच सख्या नाच नाचक आपन गाउघर चैनार ओ रहारङ्गिट कैक मनैठि । डस्यक सबसे महत्वपुर्ण चिज सख्या नाच हो सख्या नाच बिनाक डस्या न्वान बिनाक टिना अस हो । सख्या नाचम आपन बिशेष प्रकारक कठा बस्तु बोक्लक गीतिकाब्य बा कलसे यी गीत अस्टिम्कि टिक्ना ब्याला अस्टिम्किक गीत संगसंग एक डु आँखर गाकेन सुरु कैजाइट या कान्हक जरम संगसंग डरिहा गीतफे आेंर्वा लिहट । यी सख्या नाच गाउम हर्या गुरैक झाँझर माझर खुल्लसे बल्ल मटान अङनम गाउँक लौन्डिन पञ्चो भुइहारक डिउटनके नाउ सम्हरके डसिहा नाच सुरु कैजाइट या यि एकठो समह्रौटि गीत हो ।

डसिहा नाच संगसंग डसिहा गीतफे एक पुस्टामसे और पुस्टाम सर्टि आइटा जुन डिनडिन घट्टि बा । नाचके माढ्यमसे यि गीत एक पुस्टासे और पुस्टाम सर्टि अइलक ओर्से कठाबस्टु एक्क रलसेफे ठाउँ र मनै अनुसार डान्छे फरक हुइ स्याकट टर गीत एक्क हो । आजकाल पुरान गीतबाँसम लौव पुस्तक मनैनके ओत्रा चासो ओ रुचि नि डेख पर्लक ओर्से डसिहा गीत ओ नाचफे हेरैटि जाइटा । मौखिक रुपमसे बिकसित हुइटि गैलक यी गीतह लिखिट रुप डेलसे डान्छे संरक्षण हुइट कि कैक डसिहा गीतह लिखित रुप डेना कोसिस करटु तर मौखिक रुपम बिकसित ओ रुपान्तरित हुइटि अइलक ओर्से कथा बस्तु एक्क रलसेफे ठाउँ र मनै अनुसार डानडान फरक हुइ स्याकट ।

डसिहा समह्रौटि गीत
 डानु डाडा हेनरी भाली डेओरि नोओरी
सखिर डानुरी डा डाडा रिउनारी करिले ।

 टोहि मै समिह्रौ र आपन सरासटी
सखिर सरासटि बैठ गिड रि मोर आ ।

 टोहि मै समिह्रौ र आपन ढनुखा
सखिर हमार मेरहरियक करहो रक्षिया ।

 टोहि मै समिह्रौ र पञ्चो भुइहार डिउटा
सखिर हमार मेरहरियक करहो रक्षिया ।

 टोहि मै समिह्रौ र डहर चण्डि डिउटा
सखिर हमार मेरहरियक करहो रक्षिया ।

 टोहि मै समिह्रौ र मुह्रा महटउ डिउटा
सखिर हमार मेरहरियक करहो रक्षिया ।

 टोहि मै समिह्रौ र पालु गुनि डिउटा
सखिर हमार मेरहरियक करहो रक्षिया ।

 टोहि मै समिह्रौ र डुढि बाघिन डिउटा
सखिर हमार मेरहरियक करहो रक्षिया ।

 टोहि मै समिह्रौ र बनसप्टि माटा डिउटा
सखिर हमार मेरहरियक करहो रक्षिया ।

 टोहि मै समिह्रौ र मुह्रामणि डिउटा
सखिर हमार मेरहरियक करहो रक्षिया ।

 टोहि मै समिह्रौ र मुह्रामणि झाँख्रि डिउटा
सखिर हमार मेरहरियक करहो रक्षिया ।

 टोहि मै समिह्रौ र जलकल बिलकल डिउटा
सखिर हमार मेरहरियक करहो रक्षिया ।

 टोहि मै समिह्रौ र खेटपाल डिउटा
सखिर हमार मेरहरियक करहो रक्षिया ।

 टोहि मै समिह्रौ र बुह्रिडेओ डिउटा
सखिर हमार मेरहरियक करहो रक्षिया ।

 टोहि मै समिह्रौ र जाख जखिनिया डिउटा
सखिर हमार मेरहरियक करहो रक्षिया ।

 टोहि मै समिह्रौ र मनसु डिउटा
सखिर हमार मेरहरियक करहो रक्षिया ।

 टोहि मै समिह्रौ र चबाहा गुनि डिउटा
सखिर हमार मेरहरियक करहो रक्षिया ।
 टोहि मै समिह्रौ र चबाहा मणि डिउटा
सखिर हमार मेरहरियक करहो रक्षिया ।

 टोहि मै समिह्रौ र पाँच पाण्डो डिउटा
सखिर हमार मेरहरियक करहो रक्षिया ।

 टोहि मै समिह्रौ र पटनहि डिउटा
सखिर हमार मेरहरियक करहो रक्षिया ।

 टोहि मै समिह्रौ र रुइना महुट्या डिउटा
सखिर हमार मेरहरियक करहो रक्षिया ।

 टोहि मै समिह्रौ र पिटरन्या डिउटा
सखिर हमार मेरहरियक करहो रक्षिया ।

 टोहि मै समिह्रौ र मड्डु गुनि डिउटा
सखिर हमार मेरहरियक करहो रक्षिया ।

 टोहि मै समिह्रौ र बराहा गुनि डिउटा
सखिर हमार मेरहरियक करहो रक्षिया ।

 टोहि मै समिह्रौ र मणि झाँख्रि डिउटा
सखिर हमार मेरहरियक करहो रक्षिया ।

 टोहि मै समिह्रौ र बल्यो गुनि डिउटा
सखिर हमार मेरहरियक करहो रक्षिया ।

 टोहि मै समिह्रौ र इसरल बिसरल डिउटा
सखिर हमार मेरहरियक करहो रक्षिया ।

 टोहि मै समिह्रौ र झुकल चुकल डिउटा
सखिर हमार मेरहरियक करहो रक्षिया ।

 टोहि मै समिह्रौ र गुमान सिंह डिउटा
सखिर हमार मेरहरियक करहो रक्षिया ।
 टोहि मै समिह्रौ र अगवा मडरेक डिउटा
सखिर हमार मेरहरियक करहो रक्षिया ।

 टोहि मै समिह्रौ र मझवा मडरेक डिउटा
सखिर हमार मेरहरियक करहो रक्षिया ।

 टोहि मै समिह्रौ र पछवा मडरेक डिउटा
सखिर हमार मेरहरियक करहो रक्षिया ।

 टोहि मै समिह्रौ र मोह्रिनेक डिउटा
सखिर हमार मेरहरियक करहो रक्षिया ।

 टोहि मै समिह्रौ र पजगिनेक डिउटा
सखिर हमार मेरहरियक करहो रक्षिया ।

 जटि डेओ नाउ जननु मै उटि डेओ नाउ लिहनु
सखिर सबहु डिउटा रक्षिया करहो हमार ।

दंगीशरण खबर

प्रतिक्रिया दिनुहोस्

भर्खरै प्रकासित