दाङम थप ९ जहनम कोरोना, संक्रमितके संख्या ४३ पुगल

दाङम सोमारक् डिन्वा थप ९ जहनम कोरोना संक्रमण पुष्टी हुइल बा । राप्ती विज्ञान प्रतिष्ठान घोराहीम कैगिलक १ सय १२ जहनके नमुना परिक्षणम ९ जहनम कोरोना पुष्टि हुइलक् राप्ती विज्ञान प्रतिष्ठान जनैल बा ।

प्रतिष्ठानके रजिष्टार कैलाश प्रसाद देवके अनुसार घोराही उपमहानगरपालिका वडा नम्वर १ म दुइजहन, वडा नं. २ म पाँचजहन, वडा नं. ५ म एकजहन ओ वडा नं. १७ एकजहन कोरोना संक्रमण पुष्टि हुइलक् हो । उहाँके अनुसार ९ संक्रमित मध्य ६ पुरुष, ३ महिलाम संक्रमण डेखपरल हो । सोमाकर डिन्वा भेटगिलक् सक्कु संक्रमित क्वारेन्टाइनम बैस्नाहुक्र हुइट । उहाँहुक्र सक्कु भारतसे अइलक् जनागिल बा ।

ओस्टक पाछक समयम भारतसे जिल्लाम अइना हुकनके संख्या बहर्टि गैल बा । दाङ सक्कुपालिकाहुक्र आ आपन पालिकाके नागरिकहुकन भारतको सिमा क्षेत्रमसे उद्धार कैख क्वारेन्टाइनम ढैटि आइलबाट । पालिकाके आ आपन खर्चम पालिकभिट्टरके नागरिकहुकन उद्धार कर्नाम लागि परलबाट । दैनिक दुइ ठेसे तीनसयसम उद्धार कर्टि अइलक् जिल्ला प्रशासन कार्यालय जनैल बा । जेठ ३ गतेसे सुरु कैगिलक उद्धार अभियानम करिव ४ हजार ५ सयसय ढ्यार नागरिकहुक्र जिल्लाम आपुगल बाट ।

दंगीशरण खबर

प्रतिक्रिया दिनुहोस्

भर्खरै प्रकासित