रक्तदान उत्प्रेरक अर्जुन मैनाली


नेपालक काभ्रे पलान्चोकम जर्मलक अर्जुन मैनाली विश्व बिख्यात रक्तदाता हुइट । हाल उहाँ हिक्सभिल, न्यूयोर्क, संयुक्त राज्य अमेरिकाम बैस्ठ । उहाँ ६ ह्यौ महादेशक १७ ठो देशम रक्तदान कर्ल बाट । उहाँ सन् १९८७ म १९ बर्षक उमेरम नेपालम पैल्हा फ्यारा रक्तदान करल् पाछ सन् २०१९ सम् १७३ चोकर्ल बाट । उहाँक दान कर्लक रगतक परीमान ८६,००० मिलिलिटर हुइ आइठ् । यि परिमानले ५१९ जहानसम् बचाइ सेक्जाइठ् ।


सन १९८६ ओंर कलेजम ’द ब्लड डोनर’ पाठ पर्हल् पाछ रक्तदानक बारेमपटा पैलक अर्जुन सन् १९८७ अगष्ट २० मपैल्हा फ्यारा रक्तदान कर्ल रल्ह । अर्जुन ढ्यार जसिन फुर्सद रटिकिल रक्तसन्चार सेवा केन्द्र, प्रदर्शनी मार्ग, काठमान्डौ जाँइठ् । उहाँ बेरम्ह्यनक उपचार करक लाग रगतक खोजिम अउइयन्क भिर रहठ् । कबुकाल रक्तसन्चार सेवाम रगत निरह । उह ब्याला जन्नीक अपरेशनक लाग दुइ पोक्या रगत लिह अइलक बेरम्ह्यक ठर्वहँ रक्त सन्चारक कर्मचारीहँ रगत डेउ नाकहबेर डराइल ड्याखल पाछ रक्तदाता अर्जुन जरुरी पर्ना चहाजिहीं फे रगत डेना प्रण कर्नु ।
उहाँ रगत सम्बन्धी किताब, पत्र–पत्रिका ओ पाछ वेबसाइटम खोज अन्बेषण कर्ल । मुटु ओ रक्तनलिम लगाटार बहटि रना तरल पदार्थ रगत हो । रगतमासी (बोनम्यारो) म बनठ् । रगत बन चहना तत्व खानासेमिलठ् । रगतमरनालाल रक्तकोषक जीवन १२० दिन, प्लेट्लेट्स ५–७ दिन, उज्जर रक्तकोषक आयु लगभग १ दिनकरहठ् । रगत ए, बि, ओ व एबी समुहकरहठ् । उ समुहमफे आर एच पोजेटिभ ओ नेगेटिभ रहठ् ।
क्यान्सर, अंग प्रत्यारोपण, शल्यक्रिया, रक्तअल्पता, अत्याधिक रक्तस्राव हुइलक ओ अउरअरबर मेरिक रोगीन उपचार करबेर रगत चाहठ् । प्रकृतिक प्रकोप, मानव निर्मित सडक दुर्घटना, युद्ध आदिक कारन घाहिल हुइल्मनैन बचाइक लाग ढ्यार परीमानम रगत चाहठ् ।
१७ बर्ष पुरा हुइलक, ४५ किलो तौल हुइलक स्वस्थ मनैया रक्तदान कर सेक्ठ कना ज्ञान पैलक अर्जुन समस्त मानव समुदायम रक्तदान कर्ना उत्प्रेरकक काम कर्ल ।
अर्जुन सन् १९९५ म कोलकत्ताम ’इन्टरनेसनल कोलोक्वियम अन एजुकेसन एज अ टुल फर ब्लड डोनर मोटिभेसन एण्ड रेक्रुटमेन्ट’, सन १९९८ म मुम्बईम ’इन्टरनेसनल कन्फरेन्स अन अर्गनाइजेसन एण्ड म्यानेजमेन्ट अफ ब्लड ट्रन्समिसन सर्भिस प्लान्स एण्ड पोलिसिज’ ओ सन् १९९९ म जेनेभाम ’इन्टरनेसनल कोलोक्वियम अन ब्लड डोनर रेक्रुटमेन्ट’ जसिन सम्मेलनम भाग लेक रक्तदान सम्बन्धी बहुटबाट सिख्ल । पाछ अर्जुन सन् २०१९ म विश्व स्वास्थ्य संगठन रुवान्डाम आयोजना कर्लक विश्व रक्तदाता दिवस २०१९ म मुख्य उत्प्रेरक होक १५ देशक करीब ३०० सहभागीहुकन सम्बोधन कर्ल ।
उहाँ आपन रगत दान कर मिल्ना समय हुइटि कि मलावी, युगान्डा, इथियोपिया, रुवान्डा, केन्या, हैटी, एक्वाडोर जसिन अल्पबिकसित देशमजाक रक्तदान कर्ना करँठ् । याकरकुछ कारण रह । अफ्रिकाक ढ्यार जसिन देशमदुइ जिउकओ सौंरिम रहल्जन्नीन अत्याधिक रक्तश्राव होक जीवन गुमाइठ् । आभिनवहाँ नव शिशु ओ ५ बर्षसे कम उमेरक ढ्यारै बच्चन रक्तअल्पतक कारण जीवन गुमाइठ् । दक्षिण एसियाकढ्यार जसिन देशमफेअस्ट अवस्था बा । अर्जुन भारत ओ थाइल्याण्डमफे रक्तदान कर्ल बाट ।
अल्पबिकसित देशहरुम औंलो ओढ्यार मेरिक प्राणघातक रोग रह । ओसिन ठाउँमजैना कलक आत्महत्या कर जसिन हो कैक हुँकाहार संघर्यन निजैना सल्लाह डिहिन् । टर अर्जुन आपनहँ अट्याढिक खटराम ढर्क डुर डुरसम् जाक असहाय बेरम्ह्यनक लाग रक्तदान करँठ् । उहाँ रक्तदान करबेर स्थानिय युवन फे रक्तदान करक लाग हौस्याइँठ् । उहाँ स्याकठ् सम् सक्कु रक्तदान कार्यक्रमम बराबर व्यबहार कर्ल ।
अर्जुन अल्पबिकसित देशकेल निहोक, बिकसित देश संयुक्त राज्य अमेरिका, संयुक्त अधिराज्य, क्यानडा, आयरल्याण्ड, मकाउ, अष्ट्रेलिया, बेर्मुडामफे स्थानिय युवनसे रक्तदान कर्ल बाट । उहाँ रगत जो दान कर्ना कैक संसारक कोन्वा कप्चाम पुगल् बाट । उहाँ सब्से लम्मा २२ घण्टाक न्यूयोर्क से सिड्नीसम्क १५,९७९ किलोमिटरक हवाइयात्रा कर्ल बाट । अर्जुन अमेरिकाक पुर्बी भाग न्यूयोर्क से पच्छिउँक अलास्का सम्क १४ राज्यक युवानसँग रक्तदान कर्ल बाट ।
अर्जुन नेपालम रहल ब्याला केन्द्रिय रक्त सन्चार सेवासे मिल्क सयौँ स्कुल, संघ संस्थाम रक्तदान उत्प्रेरणा ओ रक्तदान कार्यक्रम कर्ल । अमेरिका आइल् पाछ फे सन् २००८ से अर्जुन अमेरिकन नेपाली संघ संस्थान रक्तदान कर्ना उत्प्रेरित कर्ल । सयौ संघ संस्थन रक्तदान कर्ल । अर्जुनक प्रत्यक्ष संलग्नताम लाखौंम रक्तदान कर्ना उत्प्रेरणा जागल् बाटिन् । हजारौँजे रक्तदान कर्ल बाट ।
अर्जुन सन् २०१७ म आपनअ ३२५ हजार रुप्यक खर्चम काठमाण्डौक ७० हजार विद्यार्थीन रक्तदानक बारेम जानकारी करैटि निबन्ध प्रतियोगिता करैल । प्रतियोगिताम उत्कृष्ट हुउइयन भु.पु. उपप्रधानमन्त्रिक हातसे रु. ५० हजारक पुरस्कार डेल । ओस्टहँक सन् २०११ म रु. १२८ हजारम काभ्रे पलान्चोक ओ सन् २०१६ म बाजुराम रु. ३०० हजारक खर्चम जिल्ला ब्यापी विद्यार्थीन रक्तदान उत्प्रेरणा जगैल ।
नेपालक दुर्गम २६ जिल्लम गरुजिउक ओसौंरिक महिलान सरकारी स्वास्थ्य प्रयोगशाला मार्फत रेडक्रससे सहकार्य कैक निशुल्क रगत उपलब्ध करैना नेपाल सरकारक योजनाम थप बल पुगैना उद्देश्यले तत्कालिन उप–प्रधान एवम् परराष्ट्र मन्त्री न्यूयोर्क आइल् ब्याला सन् २०१२ डिसेम्बरम अर्जुन एक लाख रुप्या सहयोग कर्ल ।
सन् २०१७ म अर्जुन रु. १४५ हजारक आपनअ खर्चम रक्तदातान हौसला डेहक लाग बनेपाम करीब ६०० जहनक जुलुस आघ रक्तदातन बाजागाजा सहित नगर परीक्रमा कराक सभाहलम लैजाक अभिनन्दन ओ कदरपत्रले सम्मान करैल । अर्जुन सन् २०१४ म नेपालक रक्तदान अभियन्तन हौसला डिहक लाग ३ रक्तदातन रु. ५०÷५० हजार ओ कदर–पत्रले उपराष्ट्रपतीक हाठसे सम्मान करैल रल्ह ।
रक्तदातन संगठित करक लाग नेपालम रहल् ब्याला अर्जुन सन् १९८९ म नेपालम ब्लड डोनर्स क्लबक संस्थापक सदस्य होक काम कर्ल । अमेरिकी नेपाली समुदायम रक्तदान हुइभिरल् पाछ हुँकहन एकजुटकरैटि सन २००९ म अर्जुन संस्थापक अध्यक्ष होक ब्लड डोनर्स अफ अमेरिका स्थापना कर्ल । अमेरिकाम रक्तदानकमजा लहर आइलपाछ विश्वक अउर देशम रक्तदानहँ ब्यापक बनाइक लाग सन २०१४ म अर्जुन, इन्टरनेशनल नेप्लिज ब्लड डोनर्सक संस्थापक अध्यक्ष होक संस्था स्थापना कर्ल । आब बिकासित देशम रक्तदातन घट निडिहक लाग ओ अल्पबिकसित देशम रक्तदान बर्हाइक लाग संसारक कोन्वा कप्चक क्षेत्र ओ समुदायमफे रक्तदान करी कना सन्देश डिहक लाग सन २०१८ म अर्जुन वर्ल्ड ब्लड डोनर अर्जुन मैनाली इन्क संस्था बनाक काम कर्टि बाट । असिक अर्जुन स्थानियस्तर से राष्ट्रिय, राष्ट्रिय से अन्तराष्ट्रिय क्षेत्रसम् रक्तदातन एकजुट कर्टि लैगिल ।
संसारक हरेक देशम रक्तदान करक लाग फरक फरक नियम बा । नेपालम बर्षक ४ चोओ संयुक्त राज्य अमेरिकाम ६ चो सम् रक्तदान कर मिलठ् । अमेरिकाम प्लेट्लेटस बर्षम २४ चो सम्म दान कर मिलठ् । अर्जुन सन २०१४ म ६ चो रक्तदान ओ १३ चो प्लेट्लेट्स दान कर्ल । उ बर्षक ऊ संसारकसब्से ढ्यार रक्तदान करुइया बन्ल । ऊ आपन उदाहरण डेटि युवन कम्टिम बर्षक १ चो सम्हुइलसे फे रक्तदान करक लाग अरजी कर्ठ ।
रक्तदान कर्लसे कमजोर होजाइठ् कनानेपाली युवनम भ्रम बाटिन् । उ भ्रम हटाइक लाग अर्जुन १६औं फ्यारा रक्तदान कर्लक १ घण्टा पाछ १९९० डिसेम्बर ५ से १९९१ जनवरी ५ सम् नेपाल डेसब्यापी बाइ–साइकल यात्राकर्ल । उहाँ साधारण बाइ–साइकलक ह्यान्डिलम “कम्तिम बर्षक १ चो रक्तदान करी”कना नारा लेक नेपालभर साइकलयात्रा बोर्डढर्ल रल्ह । रक्तदान जोकरक लाग अर्जुन सन २०१४ म हिक्सभिल, न्यूयोर्क से मिसिसौगा, क्यानडासम् ८००किलोमिटर कार चलाकयात्रा कर्ल रल्ह ।
उहाँ आपन सामाजिक सन्जाल फेसबुकक हरेक दिन “हजुर नमस्कार! जरमदिनक शुभकामना बा ! अउर बर्षक जरमदिनरक्तदान कैकमनाइक परि ना हजुर !” लिख्क जरमडिन परुइयन शुभकामना डेठ ।
आपन पख्रम सुइ घुसाक ५०० मिलिलिटर रगत निकर्नाभर वट्रा लिरौसि निहो । आपन अमुल्य रगतले अउरक जीवन बचाइ सेकइठ् कना भावनाले केलयि सम्भब हुइठ् । डुइ चो अर्जुनकपख«मसे रगत निकारक लाग नर्स नसासे बाहिर सुइ घुसर्लक ओर्से सह निसेक्ना मेरिकबठाइल् रहिन् ।
चिल्गारिक उडान ४० हजार फिट उप्परसम्क रहठ् । लम्मा उडान पाछ अत्याधिक थकान, अउर शारीरिक दुखाइ महसुस हुइठ् । असिन ब्यालम हवाइयात्रुनअउर दिन आराम कर्ठ । टर अर्जुन अप्नबैठ्लक शहरसे डुरिकठाउँम जाइबेर २५ चो सम् हवाइ यात्राकर्ल, वाकरपाछ सिढावहाँक रक्तसन्चार सेवामजाक रक्तदान कर्ल ।वाकरपाछअउर हवाइजहाजसे आपन घर लौट्ल । असिन स्थितिमहुकहिन कट्रा मच्छिावन लागल् हुइहिन् ?उडुख कल्पनासम् फे कर निसेक्जाइठ् ।
अर्जुन सन २०१४ म १९ चोओ २०१५ म १७चो रक्तदान कर्ल रल्ह । सन २०१५ क अन्त्यओंर अर्जुनहँ करिबदुईहप्तासम् पानी प्यास लग्टि रलिन् ।प्याटिमऔंकट्यार लग्टि रलिन् । हल्का मुरि बठैटि रलिन् ।
“सन्सारमकिउ फेओस्टहँकौनो काम निकर्ठ सायद । अर्जुन मैनालीफे रक्तदान कार्यक्रम कर्लक बापत अमेरिकन रेडक्रससे पैसा पाइठ्हुइ, उहमार मरिमेट्करक्तदानमलागल् बा”कैक अमेरिकाक नेपाली समुदायम टिप्पणी ह्वाए । रगत निपाक मृत्युक लग्घुपुग्टि रलक कङगो देशकबेरम्ह्यन रगत दान कर्ठु, वहाँ जाक युवन रक्तदान करक लाग उत्प्रेरणा कर्ठु कहबेर भिसा निपाकआपन पैसले किन्लक हवाइजहाजक टिकट नोक्सान हुइलक अर्जुनकटिट अनुभब फे बाटिन् ।टर अर्जुन निस्वार्थ भावनाले काम कर्लक ओर्से असिन नकरात्मक बातम हतोत्साहित निहुइल ।
अर्जुन नेपाली समुदायम रक्तदान उत्प्रेरणा करक लाग हदैसम्क समर्पण कर्ल । सन २०१३ म अर्जुन आएरल्यान्डक नेपालीन रक्तदान उत्प्रेरणा कर गैल । आइरिश रक्तसन्चारक नर्स अर्जुनक स्वास्थ्य जाँचकब्यालम नेपालम जर्मलक ओर्से औलो रोगक परिक्षण करपरि, नेगेटिभ रिपोर्टअइलसे तीन महिना पाछ बलैबि कटि नमुना रगटकेल लेल । रक्तदान कर मिल्ना रिपोर्ट आइलपाछ अर्जुन सन २०१४ म फेरसे आएरल्यान्डक नेपालीनठे पुग्क रक्तदान कर्ल ।
एकचो प्लेट्लेटस दान करबेर रगत निकर्ना पोक्या ओ पाइपम करीब ५४ मिलिलिटर रगत अँटक्कखर्बास जाइठ् । यि हिसाबले अर्जुनक करिब २,६४६ मिलिलिटर खर्बास गैल् बाटिन् । उहाँ ५१६ जहनसम बचैना रगतदान करबेर ८६ लिटरम ओट्रा खर्बास जाइबेर का हुइल् ट? असिक कैक आपन चिट बुझैल ।
अर्जुनक रक्तदानक कृयाकलापह हुँकाहार परिवारक मौन समर्थन बाटिन् । सन १९१६ जनवरी १ म अर्जुन रक्तदान करबेर हुँकाहार जन्नी ‘म्वार ठर्वा १५० फ्यारा रक्तदान कर्ल’ प्लेकार्ड लेल रहि, ओस्टहँकछावा ओ छाई‘हमार बाबा १५० फ्यारा रक्तदान कर्ल’ प्लेकार्ड लेल रल्ह ।
ढ्यारजसिन मनै आपन सुख सयल जीवन कसिक अपनैना कनामचिन्टा कर्ठ । जसिक हुइलसे फे आपन लाग कमैना प्रयास कर्ठ । तर अर्जुन आपन लाग कब्बु फे निसोंच्ल । हुँकाहार डिन्चेकेल आम्दानी रल्हन् । उहाँ उ आम्दानीक ढ्यार परिमान रक्तदान कार्यक्रम ओ गरीब ओ दुख पैलक हुँकन्हँक लाग खर्च करँठ् । आगलागी पीडित, बाढी पीडित, भुकम्प पीडित, गरीब सुत्केरी महिलन उपचारक सहयोग, बलात्कृत महिलन उपचारक लाग सहयोग, घर निहोक सौचालयमबैठ्लक महिलनक लाग घर बनैना सहयोग, पिनापानीक कुवाँबनैना सहयोग, दुर्गम गाउँक स्कुल बनैना सहयोग, गरिबिलेआत्महत्या कर्लक परिवारहँ सहयोग, लस्रिले बाँढकढर्लक गर्ववती महिलाहँ सहयोग, हात टुट्लक अपाङ्ग गरीब ओ सुत्केरी महिलाहँ सहयोग, बलात्कारीसे हत्या हुइ भिर्लक गर्भवती महिलाहँ सहयोग, रुख्वमसेगिर्क घाइटे हुइलक जन्नीहँ उपचार कर निसेक्क बिष पिक आत्महत्या कर खोज्लक परिवारक लाग सहयोग ओअस्टहँ अन्य ढ्यारनक सहयोग कर्ल बाट ।
असिक रक्तदानक क्षेत्रम निस्वार्थ ओ अतुलनिय काम कर्लक कटि अगष्ट ८, २०११ म बिसौं हजार दर्शकलेभर्लक सिटिफिल्ड रङशाला न्यूयोर्कम खेलक मध्यान्तरम अर्जुनहँ ‘ब्लड डोनर अफ द गेम’ले सम्मान कैगिल रह । रुवान्डा, केन्या देशक सरकार, नेपालक रज्वा बीरेन्द्र, अमेरिकी प्रेसिडेन्टियल भोलिएन्टिएर सर्भिस अवार्ड लगायत महाढ्यार संघसंस्थासे अर्जुन मैनाली सम्मानित हुइल् बाट । वेयष्टर वे टाउन, न्यूयोर्क डिसेम्बर २२ हँ ‘विश्व रक्तदाता अर्जुन मैनाली दिवस’ घोषणा कर्ल बा । प्रषव अवस्थाम अत्याधिक रक्तश्राव हुइलकजन्नीहँसन १८१८ डिसेम्बर २२ म सिरिन्ज प्रयोग कैक ठर्वक पख्रमसे चार औंस रगत निकार्क रक्त सन्चार कर्ल रल्ह । संसारम यिह जो पैल्हा सफल मानव रक्तसन्चार रह । अर्जुन मैनाली रक्तदानक क्षेत्रम स्थानिय, राष्ट्रिय ओ अन्तराष्ट्रियसम् अतुलनिय योगदान पुगैलक ओर्से ओयष्टर वे टाउन विश्व रक्तदाता अर्जुन मैनाली दिवस घोषणा कर्लक हो ।
यि जिवनी बिश्वविख्यात रक्तदाता स्वयं पठैलकम जोगेठ्वा सोम डेमनडौरासे थारु भासम उल्ठा कैगिलक हो ।

दंगीशरण खबर

प्रतिक्रिया दिनुहोस्

संबन्धित समाचार

भर्खरै प्रकासित