एकदिनम २४ जहन कोरोना पुष्टि, नेपालम संक्रमित संख्या १ सय ३४ पुगल

घोराही, २९ बैशाख । सोमारक् डिन्वा एक्क डिनम २४ जहनम कोरोना संक्रमण पुष्टि हुइल बा । स्वास्थ्य मन्त्रालयके अनुसार कपिलबस्तु १६ ज, रुपेन्देहीम ६, बर्दियाम एक ओ सप्तरीम एकहजन कोरोना संक्रमण पुष्टि हुइलक् हो । यी सक्कु मिलाक नेपालम कोरोना भाइरस संक्रमित व्यक्तिके संख्या १ सय ३४ पुगल बा ।


स्वास्थ्य तथा जनसंख्या मन्त्रालयक सहप्रवक्ता समिर कुमार अधिकारीक अनुसार लौव संक्रमित हुइनाम कपिलवस्तुक यशोधरा गाउँपालिका वडा नं. ५ ओ बुद्धभुमि नगरपालिका वडा नं. ७ ओ १० के हुइट  ।
संक्रमित सक्कु पुरुष हुइट । १० संक्रमति मध्ये ९ जहनके उमेर १८ ठेसे ३४ वर्ष समूहक बाट कलसे एक पुरुष के उमेर खुलल निहो । ओस्टक कपिलबस्तुक यशोधरा गाउँपालिक–८ ओ बुद्धभूमि नगरपालिका वडा नम्बर ७ क १५,१९, २३, ३०, ३२ र ३८ वर्षीय पुरुषम कोरोना पुष्टि हुइलक् हो ।
रुपन्देहीक समरीमाई गाउँपालिका–७ ओ लुम्बिनी सांस्कृतिक गाउँपालिका –६ क २४, २६, २७, ३०, ३२ ओ ४० वर्षीय पुरुषम कोरोना पुष्टि हुइलक् हो ।
ओस्टक बर्दिया ओ सप्तरीम पहिला फ्यारा कोरोना संक्रमित भेटगिल बाट । बर्दिया राजापुर ५ क ११ वर्षीया बालिकाम ओ सप्तरी डाक्नेश्वरी नगरपालिका ३ के १८ बर्षिय पुरुषम कोरोना संक्रमण पुष्टि हुइलक् हो । सोमारक डिन्वा भेट्गिलक सक्कु संक्रमितके अवस्था सामन्य रलक् मन्त्रालय जनैल बा ।
संक्रमित १ सय ३४ मध्ये ३१ जना चुम्मर होख घर गैसेक्लक स्वाथ्य मन्त्रालय जनैल बा ।

दंगीशरण खबर

प्रतिक्रिया दिनुहोस्

भर्खरै प्रकासित