सम्पादकीय, कोराना भारइससे सचेत हुइपरल

विश्वके इतिहासम मेरमेह्रिक भाइरस निकर्ख महामारीके रुप लिहल बात सुन्टी रहल हो । यी साल गैल एक महिना इहोंर चिनके बुहान प्रान्तसे सुरु हुइल कोराना भाइरस अर्थात
(कोभिड–१९) के कारणसे चिनम केल आज लगभग तीन हजार मनै मुअल समाचार आइल बा । विश्वभर ६० से ढ्यार देशम फेल स्याकल यी भाइरसके कारण विश्वभर महामारी घोषणा हुइल बा । नेपाल फे यी भाइरसके संक्रमणके उच्च जोखिमम रहल कैगिल बा । आझुक समाचार अनुसार ५ जहन शंकास्पद मनैन संक्रमित कैख अस्पतालम भर्ना कैगिल बा । याकर सावधानिक लाग मेरमेह्रिक सूचना डेगैल बा । पर्यटन बर्ष २०२० फे स्थगित कैगिल बा । कलसे याकर प्रभावह व्यवस्थापन करकलाग ढ्यारमेह्रिक तयारी कर्ना बात आइल बा । ओस्टक अन्राष्ट्रिय उडानम व्यपाक सतकर्ता डेगैल बा । आझुअसे हमार देशक लाग भिसा डेना काम फे रोकगैल बा । आझ् नेपालम यी समस्या अइलसे विकराल हुइसेक्ना अवस्था बा । आझुक डिनसम ५० लाख से ढ्यार नेपाली युवा विदेशम बट । सक्कुजहन आपन देशम घुम्ना स्थिति हुइलसे समस्या हुइसेक्ना अवस्था बा । याकर महामारीसे बचकलाग हम्र सरसफाईम ध्यान डिह परल । हाँत मजासे ढुइना, बानी विकास करपरल । भिडभाडम निजैना, उहाँसेकी मास्क लगाख न्यांग परल । हाँठ निमिलाइ परल । असिक याकर बारेम आइल सूचना ठाँ पाइ परल । असिख सहम्र सुरक्षित हुइपरल ।
(केवि चौधरी, प्रधानसम्पादक-लौव अग्रासन साप्ताहिक)

दंगीशरण खबर

प्रतिक्रिया दिनुहोस्

भर्खरै प्रकासित