चिल्र्हवा समाजके सातौ जिल्ला सम्मेलन हुइल

घोराही,२६ माघ । चिल्र्हवा समाज दाङके सातौ जिल्ला सम्मेलन हुइल बा । घोराही उपमहानगरपालिका १७ क्वारी गाउम हुइल सम्मेलनम दाङ जिल्लाके ढ्यार गाउँसे चिल्र्हवा गोत्यार जुटरलह । उह कार्यक्रमम समाजके जेष्ठ सदस्य बेझुलाल चौधरी हँ सम्मान कैगिल रह।

चिल्र्हवा गोत्यारन्के बिच म चिन्जान करैना । आपन इतिहास, सस्क्रीति, रितिरिवाज, पहिचानके बारेम खोजी कर्ना ओ चिल्र्ह्वा गोत्यारनके उन्नती प्रगती कराइक लाग सहयोग पुगैना उदेश्यले धैगैल उ कार्यक्रमके बर्का पहुना थारु कल्याण कारीणी सभा दाङके सभापति भुबन चौधरी थारु समाज भित्तर रहल सक्कु थरके समाज समग्र थारुन्हक हक, अधिकार ओ बिकासके लाग लर पर्ना बत्वोइल ।

थारुन्हक मौलिक नाच देखागैल उ कार्यक्रमके बिशिस्त अतिथी म समाजके केन्द्रिय अध्यक्ष दयाराम चौधरी, उप प्राध्यापक के बि चौधरी फे आपन मन्तब्य बत्वोइल। ओस्तक सिताराम चौधरी, खलु चौधरी, भरत चौधरी, अशाराम चौधरी, प्रीथिबी चौधरी, भद्रबिर चौधरी, किरण चौधरी लगायत अउर पहुनाहुक्र फे आपन बाट बत्वारख्लह । बुधन्या चौधरिक स्वागत मन्तब्व से सुरु हुइल उ कार्यक्रम के सभापतित्व जिल्ला अध्यक्ष जगबिर चिल्र्हवा कैरखलह कलसे सन्चालन चिल्लु चौधरी कैरख्लह।

दंगीशरण खबर

प्रतिक्रिया दिनुहोस्

भर्खरै प्रकासित